Gideklarar nga national cultural treasures ang 3-ka mga lugar sa dakbayan sa Sugbo, kini nunot sa pormal nga turn-over ug pagbukas niini sa National Museum of the Philippines.
Gilangkoban ang tulo ka mga lugar sa; Fort San Pedro; Plaza Independencia; ug ang lugar sa Miguel Lopez de Legazpi Monument, sigon sa National Museum of the Philippines, ang maong deklarasyon miabut na sa miaging tuig apan gipugngan sa lokal nga kagamhanan sa dakbayan aron idungan ang pormal nga seremonya ug pan-anunsiyo sa gipahigayung National Heritage Month.
Apil usab sa unveiling ceremony ang pagpirma sa usa ka certificate nga opisyal nga nagbalhin sa NCT markers ngadto sa Cebu City government.
Nangulo sa pagpirma ang mga opisyal nga sila si outgoing Mayor Raymond Alvin Garcia ug Bise Mayor Donaldo Hontiveros, uban nila ni Philip Rodriguez, sakop sa board of trustees sa National Museum of the Philippines, ug Mario Marababol, administrative officer sa NMP-Cebu.
Matud ni outgoing Cebu City Mayor Raymond Alvin Garcia, nga dili lang kini basta nga mga heritage sites, apan testaminto kini sa kalig-on, ka-isog ug testaminto kini sa ebolusyon sa katawhan.
Dugang usab ni Garcia, nga unta ang bag-ong mga opisyales nga nabutang sa dakbayan, ipadayun ang legasiya nga nasugdan niini sa iyang administrasyon nga higugmaon ug i-preserbar ang mga heritage ug kultura sa dakbayan. | via Bombo Nathaniel Sandoval
