Nakatala og tulo ka mga “minor glitches” sa tibuok Central Visayas ang COMELEC sa bag-o lang gipahigayon nga 2025 National and Local Elections.
Sa pakigpanayam sa Bombo Radyo Cebu sa Regional Director sa COMELEC-7, Atty. Francisco Pobe, iyahang nasubay ang mga natala nila nga 3 kabuok hagit nga nahiaguman atol sa adlwang piniliay.
Una niana ang Automated Counting Machines (ACM), nga wala nibasa sa mga balota nga gipaslak kay gitoohang hugaw ang optical lense reader niini.
Ikaduha, mao ang wala nagkadimao nga speed sa pagkaon sa balota sa Automated Counting Machines (ACM) maong dili diretso og kabasa ang mga balota niini.
Ikatulo, nag-crush ang USB ug dili mobasa ang makina, diin, nangagpas pa sila sa approval gikan sa COMELEC Manila aron ma reconfigure or reform ang USB ug ipabalik og basa ang mga balota nga aduna nay boto.
Samtang sa pikas nga bahin, bisan paman og adunay mga natala nga pagka langay ang COMELEC, gikompirmar gihapon ni Atty. Pobe nga wala gyud sila nabalda sa pagpanerbisyo.
Dugang niana, sa kinatibuk-ang assessment sa 2025 National and Local Elections, mapasigarbohon sila nga mo angkon nga nag-malampuson kini nga malinawon.(Bombo Irene Ardiente)
