CEBU CITY-Pormal na nga gipasakaan og kaso nga murder ang 3 ka suspect pagpatay ni Buenavista Mayor Ronald Tirol sa Tagbilaran City Prosecutors Office kaganihang hapon.
Kini ang gikompirmar sa hepe sa Buenavista Police Station nga si PCI Roly Lauron kung diin siya mismo ang miadto sa procesutors office human mahatag ug makompleto ang affidavit sa mga body guard ug mga nakasaksi sa pagpusil patay sa mayor.
Kumpyansa si Lauron nga lig-on ang ebidensya nga ilang gihuptan tungod kay positibo nga giila sa witness ang mga mipusil sa mayor.
Nasayran nga ginganlan sa Police Regional Office 7 ang usa sa mga suspect nga si Elmer Melencion o mas giila nga si Eti Melencion, una na nga gipkompirar ni Lauron nga ang mga suspect mga miyembro sa gun for hire.
Mahinumduman nga gipusil ang mayor pasado alas 3 sa hapon petsa 27 sa Mayo, adlaw nga Dominggo samtang naglingkod kini sa may sook sa usa ka cockpit arena.
