CEBU CITY-Nakakuha og puwesto sa topnotcher’s list sa December 2024 Physical Therapist Licensure Examination ang tulo ka mga tinun-an sa Cebu-based nga unibersidad basi sa resulta nga gipagawas gahapong adlawa, Disyembre 10.
Diin anaa sa ika-upat nga pwesto si Lhouise Lucero sa Cebu Doctors University samtang anaa sa susamang pwesto sila si Kenneth Andres sa Southwestern University ug John Domael sa Velez College nga anaa sa ika-10 nga pwesto.
Sa pakighinabi sa Bombo Radyo Cebu kang John Eduard Domael, top 10 sa Physical Therapist Licensure Examination
nga nigradwar sa Velez College, diin wala niya damha nga makasulod sa top 10 gumikan chill lang kini.
Hinungdan nga nakurat si Domael sa dihang nigawas ang resulta ug nakasulod sa top 10.
Matud niini nga wala niya gi-pressure ang iyang kaugalingon sa pagtuon gani, atol sa iyang preperasyon kay nakahimo pa kini sa pagduwa og online games o kaha mas pilion ang matulog kaysa basahon ang iyang reading materials ug humanon ang iyang mga lecturers.
Apan, bisan paman niini dako ang iyang pasalamat ug kalipay sa iyang nakuha nga kalampusan.
