CEBU CITY-Mukabat sa 3 milyones ka pesos nga kantidad sa Marijuana plants ang nasakmit sa gipahigayong hini-usang operasyon sa Cebu Mobile Forces Company (CMFC) Cebu City Police Office (CCPO), ug PDEA-7 sa may Sitio Mit-ol Brgy. Tagbao Cebu City.
Matud ni PSUPT Timar Alam ang hepe sa CMFC nga aduna silay nadawat mga taho kalabot niining marijuana plantation sa naasoy nga lugar hinungdan nga nagpahigayon sila og operasyon.
Muabot sa 6,500 stalks sa fully grow marijuana ng naibot sa mga otoridad sa luna sa maong lugar nga adunay gidak-on nga 1,500 sq. meters.
Wala hinooy nadakpan atol sa operasyon.Padayon pa usab karon nilang gi-imbestigaran kung kinsa ang tag-iya sa luna nga gitamnan sa Marijuana.
Gisunog na ang uban niini mismo didto sa site samtang 3 ka sample niini ang gidala sa PDEA-7 Laboratory para ipa-ubos sa analysis.
