CEBU CITY-Muabot sa 3 million pesos worth nga kantidad sa Marijuana plants ang nasakmit sa mga otoridad sa 703rd Coy Bogo Platoon ug Police Inteliigence Branch (PIB) sa Cebu Provincial Police Ofice sa may Sitio Lacdon, Brgy. Cabasiangan, Balamban Cebu.
Lakip nga nasikop mao ang tag-ya sa plantation nga si Joel Gabutin Narvasa, 31 anyos nga nakuhaan usab og illegal nga drogas sa dihang gipahigayon ang operasyon. Taud-taud na usab kini siya nga gi-surveillance sa mga kapulisan.
Nakit-an ang maong plantation sa Marijuana usa ka metros ang gilay-on gikan sa panimalay ni Gabutin kung diin nakuha ang 15,308 ka mga fully grown marijuana plants ug 2,308 nga matud pa seedlings niini.
Mukabat sa 3,155,120 pesos ang kinatibuk-ang DDB value sa mga na-ibot nga marijuana.
Gipa-ubos na sa forensic examination ang pipila niiniug ang uban gi-sunog na mismo sa didto pa sa naasoy nga area.
