Gipahibalo sa Ministry of Health sa Egypt kaniadtong Sabado,Agosto 30 nga tulo ka mga tawo ang namatay ug 94 ang nasamdan sa dihang daghang mga karwahe sa usa ka pasaheroan nga tren ang nadiskaril sa Matrouh governorate.
Giingon sa ministeryo nga ang tren, nga nagbiyahe gikan sa Alexandria padulong sa Matrouh ang nabalintuwad, nga nag-aghat sa pagpadala sa 30 nga mga ambulansya sa maong dapit.
Ang mga nasamdan gidala sa Dabaa Central Hospital ug Ras El Hekma Hospital, diin gikumpirma sa mga opisyal nga ang mga medical group ug blood supplies ang na-secure na aron mahatagan ang mga pasyente.
Sumala sa Egyptian National Railways Authority, ang aksidente nahitabo mga alas 3:30 sa hapon (Egyptian time) tali sa mga istasyon sa Fouka ug Galal sa dihang nadiskaril ang pito ka karwahe sa tren nga nagpadulong sa Matrouh paingon sa Cairo, nga adunay duha nga natumba.
Gipakatap dayon ang mga technical crew ug heavy equipment aron paghawan sa mga guba ug pagpabalik sa mga operasyon.
Ang Minister of Industry and Transport mibisita samaong dapit ug nagmando sa pagporma sa usa ka teknikal nga komitiba aron imbestigahan ang hinungdan sa pagkadiskaril.
Kini misaad nga ang labing hugot nga silot ang ipahamtang sa mga makit-an nga responsable ug gikumpirma nga ang bisan unsang pagpabaya moresulta sa diha-diha nga pagtangtang sa pwesto.
Ang Social Solidarity Minister nga si Maya Morsi miingon nga iyang gisundan ang aksidente og nagmando sa mga relief team sa paghatag og dinalian nga tabang sa mga pamilya sa mga biktima ug sa pag-coordinate sa mga bayad sa kompensasyon sa Egyptian Red Crescent ug mga organisasyon sa civil society.
Ang Health Ministry nga si Khaled Abdel Ghaffar, kauban ang Transport Ministry, ang National Railways Authority, ug ang Ministry of Social Solidarity, nagpaabot sa pahasubo sa mga pamilya sa mga biktima ug nanghinaut nga ang mga nasamdan dali nga maulian.
