CEBU CITY-Di mominos tulo ka mga tawo ang nangamatay sa dihang nagbangga ang duha ka dagkong bike sa West 35, Transcentral Highway, Barangay Gaas, lungsod sa Balamban, tunga-tungang bahin sa Sugbo.
Nahitabo ang insidente alas 10:15 sa buntag Sabado, Setyembre 16, 2023.
Giila ang mga biktima nga sila si George Malapitan Untalan, 54, taga BF Homes, Parañaque City, ug Dominador Cuñado Bragat Jr., 34, ug ang iyang live-in partner ug backrider nga si Kate Ponce, pulos taga Villa Kalubihan, Barangay Basak San Nicolas, dakbayan sa Sugbo.
Matud pa ni Police Lieutenant Colonel Glenn Hife, hepe sa Balamban Police Station, nga si Untalan paingon sa dakbayan sa Sugbo dihang nabanggaan si Bragat nga gikan sa pikas direksyon.
Matod ni Hife nga parehong kusog ang dagan sila si Untalan ug Bragat dihang nabangga sila, diin ang nahauna gikatahong ni-overtake sa usa ka sakyanan sa kurbadahon nga dalan samtang nagbiyahe paingon sa itaas samtang ug si Bragat paingon sa ubos.
Tungod sa kusog nga impact, nalupad si Untalan sa iyang motorsiklo ug nahagbong sa kanal, samtang si Bragat naigo sa semento ug nalagpot ang iyang live-in partner pipila ka metros.
Gidala sila sa Balamban District Hospital apan gideklarar nga patay na.
Suno kay Hife, ang mga biktima nakaangkon sang mga bali sa nagkalain-lain nga parte sa ilahanag lawas.
Subay niini, giawhag niya ang mga riders nga mag-amping sa pagmaneho aron malikayan ang disgrasya.
