Cebu City-Tulo ang patay sa gipahigayon nga follow up operation sa Sitio Mananga, Brgy Tabunuk dakbayan sa Talisay.Ang mga namatay mao sila si Ryan Manaay, Norberto Larigo at Clifford Rabago.
Matud ni Police Supt Marlo Conag , hepe sa Talisay City PNP nga una silang nagpahigayon ug buybust operation sa Brgy Lagtang sa nahisgutang dakbayan diin nasikop sila si Char Paul Sta Cruz ug Robinson Adlawanan kinsang nakuhaan ug mga pakete sa shabu, nubain ampules ug syringe.
Gitudlo matud pa sa mga dinakpan silang Manaay nga maoy kuhaanan nila ug iligal nga drogas .Apan sa dihang nagfollow up operation ang kapulisan, nakabantay matud pa ang mga subject ug misukol sa kapulisan nga mi resulta sa shoot out.
Nakuha sa mga namatay ang mga pakete sa shabu usa ka 45 caliber pistol ug 2 ka .38 revolver.Nasuta usab sa kapulisan nga ilado na sa maong lugar silang Manaay sa ilang iligal nga negosyo.
Nalakip usab sila sa matrix nga gikuptan sa kapulisan gikan sa mga nasikop na nilang mga drug personality kaniadto.
