Cebu City-Gikahibulong ni Sante Fe Mayor Jose Esgana nganong siya ang gireklamo sa gikaingong wala mapirmahe nga bussiness permit sa coffee shop sa complainant nga si Lou Batiancila nga adtong panahuna suspendido kini ug ang namirma sa mga bussiness permit mao ang acting Mayor kaniadto nga si Vice Mayor Ismael Lantajo.
Matud ni Esgana nga ang tanan nga business permit nga naa sa lamesa ni niya ang gipang pirmahan tanan sa acting Vice Mayor apan kadto lamang ang wala mapirmahe. Nasayran nga nasuspenso si Esgana niadtong Nobyembre 2016 ug nabalik lamang niadtong Enero 2017.
Nakapangutana na lamang ang mayor nganong siya man ang gikina nga wala man matud kini gibuhat. Hinuon giangkon sa Mayor nga supporter sa iyahang kaatbang sa pulitika ang complainant.
Sa pagkakaron gipaabot na lamang ni Esgana ang ang opisyal nga ,komunikasyon gikan sa Sangguniang Panalalawigan sa Probinsya sa Sugbo nga maoy gitahasan sa Presidential Complaint Center nga mutuki sa maong reklamo. Sa laing bahin , gihulagway ni Minglanilla Mayor Elanito Pena nga politically motivated ug pagpangguba lang sa iyang pangan ang reklamo nga napadangat ngadto sa Presidential Communication Center kabahin sa giingong pangpangurakot sa nasampit nga mayor sa 5 ka gitukod nga government infrastracture project sa ilang lungsod.
Si Pena nagkanayon nga walay nahitabong korapsyon sa nalambigit nga mga proyekto sanglit usa kini ka nationally funded nga proyekto ug duna usay gipahigayong bidding una gi sugdan ang proyekto. Gidudahan nalang usab ni Pena nga basin ug napugos lang sa kontra nilang partido ang complainant niini nga iya ra usab nga eg agaw nga si Jeffrey Sy kinsa nagpapili apan pildero sa milabayng eleksyon.Malaunon hinuon ang mayor nga iya ra kining malutsan ug igo lang nga mabasura ang nahisgutang complaint kay wala man kiniy basihan.
Samtang, gitataw ni Carcar City Mayor Nicepuro Apura nga klaro nga usa lang ka pagpang guba lang sa iyang pangan ang reklamo nga iyang giangkon ang mga luna nga gipalit gamit ang pundo sa gingsakupang syudad diin ang naasoyng reklamo napadangat pa ngadto sa Office of Presidential Communication Center.
Subay pani Apura nga dayag nga usa ka despiradong lakang kini sa mga pildirong kontra niya sa politika kinsa gusto na usab mohimo ug isyu batok kaniya samtang ngkaduol ang eleksyon. Pasabot pasa mayor nga imposibly ang maong pasangil sa usa ka Joe Serano samot nang kuti kaayo ug daghan kaayong mga gikinahanglang papeles una makapalit ug pribadong luna ang gobyerno ug sa COA palang daan lisod kaayo nga mamaniobra ang ownership sa usa ka paliton nga luna sa gobyerno.
Dugang pa niini nga wala siyay nailhan nga Joe Serrano sa Dakbayan sa Carcar maong nagtuo siyang nangalyas lang ang wala pa hiilhing complainant ug bahad nalang sa mayor nga kung iyang milhan ang responsabli dili siya mg duha-duha nga pasakaan kinig kaso.
