Nakabsan sa kinabuhi ang usa ka 30-anyos nga babaye human madasmagan sa usa ka motorsiklo nga gimaneho sa 17-anyos nga lalaki sa M.L. Quezon Highway, Barangay Pajo, Lapu-Lapu City, Cebu.
Giila ang biktima nga si Jade Rose Hilig, kanhi nagtrabaho sa Lapu-Lapu City Tourism Office ug karon nagtudlo sa usa ka Korean language school.
Matod sa taho, mopalit unta og ceiling fan ang biktima sa usa ka tindahan sa maong lugar, apan tungod kay wala didto ang klase sa ceiling fan nga iyang gipangita, nilabang siya sa karsada aron mobalhin sa laing tindahan.
Tungod sa kusog sa impact, nalamba ang biktima sa karsada ug dali nga gidala sa tambalanan apan wala maabti og usa ka oras, nakabsan kini sa kinabuhi.
Samtang sa habig sa ginikanan sa menor de edad gikanayon nga gikan sa paghatod sa iyang higala sa simbahan ang iyang anak ug pauli na kini sa dihang nahitabo ang insidente. Apan, desidido ang amahan sa biktima nga mopasaka og reklamo batok sa rider.
Ingon man nga gipasakaan na og kasong Reckless Imprudence Resulting in Homicide ang maong menor de edad, apan wala gibutang sa homecare facility ang suspek subay sa protocol alang sa mga menor de edad hinuon, nagpaabot ang kapulisan sa desisyon sa huwes kon ibilin ba siya sa kustodiya sa iyang mga ginikanan, ibutang ba siya sa homecare facility, o ipatuman ang ubang mga lakang. via Bombo Jemm Mayot
