30 ka mga bisikleta nga gamiton sa pagpatrolya, na-turn over na karong adlawa sa CCPO

CEBU CITY – Pormal nga giturn over ang 30 ka mga biseklita sa Cebu City Police Office (CCPO) nga gidonate gikan sa mga private company karong adlawa.

Matud sa Dir. sa CCPO nga si PSSupt Royina Garma nga tumong niini mao ang pagpakgang sa kriminalidad sa dakbayan.

Mao kini matud pa gamiton sa mga pulis nga magpatrolya sa kagabhion ilabina ang sulod sa mga subdivision nga dili maabot sa mga mobile patrol.

Dugang pa niini nga makig-alayon na usab ang CCPO sa mga subdivisions kalabot sa mga security measures nga ipatuman sa ilang lugar. Upat ka team ang paga-umolon sa CCPO nga maoy magpatrolya.

Atol sa turnover, mitambing si Land Transportation Office-7 Director Victor Caindec nga mao usab ang guest speaker.