Giduso ni Senador Win Gatchalian ang paghimo og 30 ka tuig nga long-term nga plano sa imprastraktura aron malikayan ang pagsal-ot sa budget ug masiguro ang mas taas nga kita o benepisyo gikan sa mga proyekto nga gipondohan sa gobyerno.
Ubos sa Senate Bill 1652 o ang “Masterplan for Infrastructure and National Development Act (MIND)”, ang tumong mao ang pagbaton og long-term masterplan nga magsilbing giya sa pagpatuman sa mga importanteng proyekto bisan kung magbag-o ang administrasyon. Tumong usab niini nga masiguro nga ang mga pondo igahin sa mga proyekto nga direktang makabenepisyo sa mga magbubuhis.
Gipasiugda ni Gatchalian ang panginahanglan nga wagtangon ang impluwensya sa politika sa pagpili ug pagpatuman sa mga proyekto, labi na kay ang dakong bahin sa nasudnong budget gigahin sa imprastraktura.
Basi sa datos gikan sa Department of Budget and Management, ang mga pondo nga gigahin sa mga nasudnong proyekto sa imprastraktura misaka sa average nga 7.9 porsyento matag tuig gikan sa 2022 hangtod 2025.
Samtang, gilauman nga kung maaprobahan na ang balaodnon, masiguro niini ang padayon nga pagpatuman sa mga importanteng proyekto ug ang hustong paggamit sa mga pondo sa gobyerno.
