30 patay sa kaylap nga pagbaha sa China

Miabot na sa 30 ang namatay, diin kapin sa 80,000 ka mga residente ang namakwit tungod sa kaylap nga pagbaha sa amihanang China.

Matud sa mga awtoridad nga walo ka mga tawo ang namatay sa pagdahili sa yuta sa Chende City.

Samtang ang Eastern China nakasinati usab og heatwave.

Hinungdan nga nanawagan ang Presidente sa China nga si Xi Jinping alang sa dinalian nga mga paningkamot sa pagluwas.

Ingon man nga gipasidan-an niini ang mga residente nga mangandam alang sa usa ka mas peligro nga kahimtang tungod sa insidente.