CENTRAL VISAYAS-Mokabat sa 300 ka mga kandidato sa Kabataan Elections ug Sangguniang Kabataan Elections (BSKE) sa tibuok nasud ang natalang nakalapas sa mga campaign guidelines sa Commission on Elections (Comelec).
Subay niini, gisubli sa Commission on Elections (Comelec) region 7 ang mga gidili sa umaabot nga panahon sa kampanya sa BSKE, sukay niadtong milabay nga Oktubre 19 hangtod 28.
Nipasidaan usab ang poll body batok sa sayop nga gidak-on nga campaign materials lakip na ang mga billboard, tarpaulin, ug indibidwal nga mga poster nga molapas sa two by three feet sa common poster areas.
Mao kini ang gibutyag ni Atty. Leonel Marco Castillano, ang acting regional election officer sa Comelec-7.
Gilatad usab niini ang pipila ka mga dapit kung diin gibawal ang pagpapilit ug pagpasang-at og mga campaign materials.
Nipasabot si Castillano nga ang mga BSKE candidates maoy manubag sa higayon nga ang mga election officers makakita og illegal nga campaign materials sa common poster areas, publiko, ug bisan pribadong mga dapit.
Subay niini, ang nationwide Operation Baklas o ang pagtangtang sa mga illegal campaign materials, ipahigayon gikan sa Oktubre 20 hangtod 27, sumala sa Comelec memorandum.
Dugang pa, ang kandidato lamang ug lima ka mga indibidwal sa iyang mga kawani sa kampanya ang gitugotan nga magsul-ob og kamiseta nga adunay litrato sa kandidato.
Una niini, miingon ang Comelec nga ang tanang BSK bets kinahanglang limitahan ang ilang campaign expenditure ngadto sa PHP5 matag botante.
Sa laing bahin, mahimong mogamit ang mga kandidato sa mga online nga plataporma sa pagpahigayon sa ilang mga rally o kampanya.
Gawas sa mga social media platform, ang BSK bets mahimong mangampanya sa telebisyon, newspaper, o internet, ubos sa mga lagda sa kampanya.
Gitino usab ni Castillano ang pagdili sa paghatag og T-shirts, ballers, bag, sun visors, kalo, payong, panyo, ball pen, fan, candies ug uban pa nga adunay bili, lakip na ang paghatag ug pagkaon ug ilimnon atol ug human sa miting o campaign sortie ngadto sa mga supporters, gumikan kay kini ubos sa presumption of vote buying.
Gihimug-atan usab sa opisyal nga mamahimo nga pasakaan og disqualification cases ang mga kandidato nga dili musubay sa mga campaign guidelines ug mamahimong magkawang lang unya ang ilahang mga kahago sa pagdagan alang sa nagsingabot nga election.
