NEGROS OREINTAL, CENTRAL VISAYAS-Kapin sa 300 ka mga police personnel ang ipadala sa Police Regional Office 7 sa probinsya sa Negros Oriental ning nagkaduol na ang Barangay ug Sangguniang Kabataan Election sa Octobre 30, 2023.
Matod ni Police Colonel Noel Flores ang deputy regional director for operation sa PRO-7 nga gawas sa mga police misaad usab ang armadong kusog sa Pilipinas nga mopadala silag 1,700 ka mga sundalo sa maong lalawigan lakip na angPhilippine Coast Guard.
Kini aron masiguro ang kaluwasan sa mga molopyo sa maong probinsya ug maka botar sila sa ilang gitinguha nga mangulo sa ilang tagsa-tagsa ka barangay nga walay nag hulga sa ilang siguridad.
Una nang gipalig-on sa mga kasundaluhan ang siguridad sa naasoy nga dapit pinaagi sa pagpakusog sa checkpoint ug pagpukan sa mga walhong groupo, kini arun masiguro ang kalinaw ug kahapsay ang piniliay sa Negros Oriental.
