CEBU CITY-Nakapahimulos ang ubay-ubay nga mga senior citizens sa libreng serbisyong medikal nga gihatag sa Cebu City Government pinaagi sa Office of Senior Citizens Affairs sa Plaza Sugbo Grounds adlaw nga Lunes, Oktubre 9, 2023.
Ang mga serbisyong medikal nga gitanyag naglakip sa vital signs check-up, medical ug optical consultation, pneumonia ug flu vaccine, uric acid tests, ecg tests, ug uban pang laboratory tests.
Gawas niini, adunay gipang-apod-apod usab nga mga tambal o maintenance alang sa mga Sugbuanong senior citizens.
Lakip na pud sa mga gitanyag sa maong kalihokan, mao ang mga libreng facial treatments, haircut, ug libreng masahe.
Gi-organisar ang maong kalihokan subay sa padayong gilusad nga selebrasyon sa Senior Citizens Month karung bulan sa Oktubre.
