ARGAO, CEBU-Pagmahay ang nabati sa usa ka amahan human ng nasikop kini gumikan sa iyang gibuhat nga pagpanglugos sa kaugalingong anak nga Menor de Edad.
Sa gipahigayon nga hot pursuit sa bukirang bahin sa barangay Argao dakbayan sa Sugbo, nadakpan sa mga kapulisan ang suspek nga gialyasan nga “Lando”, 32-anyos.
Base sa nakuha nga impormasyon sa mga kapulisan nga gipanguluhan sa Argao Police Chief PMAJ nga si Ivy M. Bartolome, nga misumbong ang 9-anyos nga biktima ngadto sa iyahang inahan nga gihilabtan kini sa kaugalingong amahan.
Nasayran nga dili lang kausa nga gihilabtan kini sa iyahang amahan tungod matud sa biktima nga makadaghan nga higayon kini gipahimuslan sa matag higayon nga bation og kauwag.
Samtang, mihangyo ang bata nga mapriso ang amahan gumikan sa kalapasan nga gibuhat niini ug mahimutang na kini sa mga musunod nga adlaw.
Kasamtangan nga nag-atubang sa kasong Statutory Rape in relation to RA 7610 si “Lando”, kinsang responsabli sa maong trauma sa biktima.
