Mokabat sa ₱360 milyones ang gigahin gikan sa Ayuda Para sa Kapos ang Kita Program (AKAP), mga family food packs, ug uban pang mga hinabang alang sa mga biktima sa baha tungod sa bagyong Crising ug Habagat sa 36 ka mga distrito sa kongreso.
Ang dinaliang pagpagawas sa AKAP ug hinabang gi-coordinate sa buhatan ni reelected Leyte Rep. Ferdinand Martin G. Romualdez, Speaker sa 19th Congress, ug Tingog Party-list sa pakigtambayayong sa Department of Social Welfare and Development (DSWD) ubos sa pagpangulo ni Secretary Rex Gatchalian.
Matag distrito makadawat og ₱10 milyones isip direktang tabang pinansyal alang sa mga residente nga naapektuhan sa pagbaha, pagbakwit, ug uban pang mga kalamidad.
Gawas sa pinansyal nga tabang, andam usab ang mga relief packs nga ipang apod-apod, lakip na ang pag-alagad sa Tingog hot meal alang sa mga bakwit nga temporaryong anaa sa mga eskwelahan, covered court, ug uban pang evacuation centers.
Matod ni Rep. Romualdez, ang dinaliang alokasyon sa AKAP nga pundo ug relief goods repleksyon sa mga leksyon nga nakat-unan sa nangaging mga kalamidad diin hinay ang pagtubag ug adunay grabeng epekto, busa gipasiugda niini ang kamahinungdanon sa pagpangandam ug koordinasyon.
Ang 36 ka congressional districts nga makabenepisyo gikan sa ₱360 million AKAP fund ug uban pang kalambigit nga tabang naglakip sa mga distrito nga girepresentahan ni: Reps. Bienvenido Abante Jr., Tobias “Toby” Tiangco, Dennis “Alden” Almario, Dean Asistio, Arjo Atayde, Jorge Daniel Bocobo, Antonino Calixto, Joel Chua Victoria Co-Pilar, Ricardo Cruz Jr., Ernesto Dionisio Jr., Edgar Erice, Jaime Fresnedi, Gerald Galang, Kenneth Gatchalian, Alexandria Gonzales, Monique Lagdameo, Giselle Maceda, Oscar Malapitan, Eric Olivarez, ug Antolin “Lenlen” Oreta III.
Lakip na ang mga distrito ni Rep. Franz Pumaren, Romero “Miro” Quimbo, Roman Romulo, Mark Anthony Santos, Jesus “Bong” Suntay, Marcy Teodoro, Irwin Tieng, Ralph Wendel Tulfo, Rolando Valeriano, Patrick Michael “PM” Vargas, Brian Raymund Yamsuan, Ysabel Maria Zamora, Gil Acosta, Jose Alvarez, ug Rosalie Salvarez.
