CENTRAL VISAYAS-Pasakahan og kasong RA 9165 o Comprehensive Dangerous Drugs Act of 2002 ang 39 anyos nga si Gerbe Jimenez ug kasong pagpanglugos karong adlawa human niini gilugos ang 69 anyos nga babaye.
Sa imbestigasyon nga gipangulohan ni Police Captain Albert Sator, ang hepe sa Clarin Police Station, naanad na ang tiguwang nga dili kandadohan ang iyang balay hilabi na nga duol ra ang gipuy-an sa iyang pamilya aron kini maduaw kung may gikinahanglan.
Nahitabo ang pagpanglugos pasado ala-una sa kaadlawon dihang kalit nga gisulod sa suspek ang balay sa tiguwang sa Barangay Buacao, siyudad sa Clarin, sa lalawigan sa Bohol.
Giasoy sa biktima nga agresibo ang suspek, hubog ug adunay implewunsya sa gi-dili nga drugas ug nahibaw-an nga dili lang kausa siya gihilabtan tungod kay human sa unang pakighilawas gisundan pa kini pasado alas 3 sa kaadlawon.
Mao nga naglisod sa paglakaw ug pagpangayo og tabang ang tigulang sa gumikan sa panghitabo ug sa iyahang pangedaron.
Kalabot niini, nasayran usab nga bag-o lang nakagawas ang nasangpit nga suspek, human mapriso sulod sa walo ka tuig ug nalambigit sa illegal nga drugas diin nasakpan kini sa buy-bust operation ug nasakmit ang tulo ka gituohan nga sachet sa illegal nga drugas.
