Nanumpa na kang Pres. Ferdinand Marcos Jr. ang 39 ka mga bag-ong na-promote nga star-ranked generals sa Philippine National Police.
Diin ang 39 gilangkuban sa upat ka Police Lieutenant General, 11 ka Police Major General ug 24 ka Police Brigadier General.
Lakip sa nanumpa mao sila si PNP Deputy Chief for Administration PLGen Jose Melencio Nartatez, Chief of the Directorial Staff PLGen. Edgar Alan Okubo, Western Mindanao Area Commander PLGen. Bernard Banac, PNP-CIDG Chief PMGen. Nicholas Torre III ug PNP Spokesperson PBGen. Jean Fajardo.
Ingon man nga lakip sa mga misaka ang ranggo kay ang kanhi Director sa PNP region 7.
Sa iyang pakigpulong, ang Presidente nagpahinumdom sa bag-ong na-promote nga mga heneral sa PNP nga uban sa ilang pagsaka sa ranggo adunay dugang nga responsibilidad.
Siya miingon nga ang ilang posisyon nagkinahanglan sa labing taas nga lebel sa moralidad, propesyonalismo, ug pagrespeto sa tawhanong katungod sa tanang panahon.
Dugang mando sa Commander-in-Chief nga kanunay ibutang sa hunahuna ang gipanumpaan nga katungdanan sa Republika sa matinud-anon ug sa walay pagduhaduha sa pagpanalipod sa Konstitusyon.
