CEBU CITY– Nikabat sa halos P3, 000, 000.00 ang kantidad sa marijuana plants ang nasakmit sa mga otoridad sa gipahigayong operasyon sa Drug Enforcemnet Unit sa syudad sa Danao, probinsya sa Cebu pasado alas 8:00 kaganihang buntag.
Nasikop ang tulo ka mga suspek nga sila si Ricardo T. Roque, 27- anyos residente sa Lawaan , syudad sa Danao, Vicente B. Tapia, 33-anyos, residente sa Langosig, syudad sa Danao og Roque P. Tapia Jr., 62- anyos og residente sa Langosig, syudad sa Danao.
Nakit-an ang tulo nga nangibot sa marijuana og gibutang sa ilang container.
Nasakmit ang tulo ka mga sako sa marijuana leaves, tulo ka sundang, tulo ka gunting, tulo ka kabo og duha ka balde.
Adunay mga nakuha usab nga mga dahon sa marijuana nga gisulod sa plastic bag, samtang naibot usab ang 14,980 sa marijuana plants og 13 marijuana stalks nga mobalor sa Php 2,997,560.00.
Nagtingkagol na karon sa prisohan ang tulo ka mga dinakpan og gikatakdang pasakaan og kasong kalapasan sa RA 9165.
