CEBU CITY-Muabot sa 4.7-M ang kantdidad sa shabu nga nasakmit sa buybust operation nga gipahigayon sa PDEA-7 sa Brgy. Gun-ob, Lapu-lapu City Cebu kaganihang buntag.
Nasikop sa maong buybust ang subject nga si Marieta Selerio, 57 anyos usa ka tindera og kinhason kinsang gikonsiderar usab sa PDEA nga high value target level 2.
Matud sa PDEA-7 Dir. nga si Dir. Yogi Felimon Ruiz nga usa ka buwan nila nga gipaubos sa surveillance si Selerio ug sa basi usab sa imbestigasyon nga ang subject mao ang supplier sa naasoy nga barangay ug aduna kini mga tao nga maoy tig supply og droga sa habagatang bahin sa Sugbo.
Dugang pa ni Ruiz nga aduna sila nakuha nga ebidensya nga ang drogas ni Selerio gikan sa New Bilibid Prison.
Nasuta usab nga kini si Marieta mao ang mipadayon sa iligal nga kalihokan sa iyang bana nga kanhi grupo sa usa ka sindikato dinhi sa Sugbo
Kaso nga drug pushing ang atubangon sa subject ug padayon ang imbestigasyon sa pagsuta kung unsa kalapad ang grupo sa sindikato sa nasikop nga subject.
