CEBU PROVINCE-Naangol ang upat ka mga pasahero sa usa ka traysikol, nga naglakip sa duha ka menor de edad, sa aksidente sa sakyanan sa dalan sa lungsod sa Sibonga, habagatang Sugbo niadtong Miyerkules, Hulyo 19, 2023.
Gikompirmar ni Police Captain Fort Antony Valdez, ang hepe sa kapulisan sa Sibonga nga nahitabo ang aksidente sa kadalanan nga naglambigit sa traysikol ug motorsiklo sa N. Bacalso Avenue sa Brgy. Candaguit sa hapon niadtong Miyerkules.
Base sa findings sa mga imbestigador, ang motorsiklo, ang duha ka mga sakyanan nagmaneho sa samang lane ug paingon sa Brgy. Poblacion.
Apan, ang motorsiklo nga gimaneho sa usa ka Jeffrey Zamora Recopilacion, nisuway pag-overtake sa usa ka sakyanan.
Dugang pa, nga napakyas ang iyang maniobra hinungdan nga nabangga niya ang sakyanan sa luyo sa duol nga traysikol nga gimaneho ni Chebong Cañada Barawidan.
Tungod sa impact, nabangga ang traysikol ni Barawidan sa sementadong poste nga nakaangol kaniya ug sa iyang upat ka mga pasahero, duha niini mga menor de edad.
Giila sila nga sila si Renelyn Bayno, 20, Christian Lazarte Joreso, 16, Rica Jay Joreso, 16, ug Ferrari Ylaya, 19.
Naangol usab si Recopilacion sa maong bangga.
