CEBU CITY — Giimbestigaran sa Bogo Police Station ang sa kamatayon sa 4-anyos nga bata human napalgang patay sa Sitio Kabankalan Brgy. Dakit dakbayan sa Bogo.
Giila ang biktima nga si alyas Ashley, babae, ug residente ra usab sa nahisgutang lugar.
Matud sa imbestigador sa Women’s Desk sa Bogo PS nga si Police Master Sgt. Greselda Claro, nakadawat sila ug tawag gikan sa tambalanan kabahin sa maong panghitabo.
Dali nga mipahigayon og imbestigasyon ang kapulisan ug didtu napalgan ang patayng lawas sa 4-anyos sa kasagbotan dapit sa ilang balay.
Dugang pa ni Claro nga gibilin una kini sa inahan gumikan kay aduna pay gilakaw ang apohan nga lalaki apan wala naman nakit-an sa iyang pagbalik.
Nakit-an na lang nila nga naghigda sa kasagbutan ang bata nga adunay samad sa ibabaw sa mata, ingon man bun-og sa iyang nawng.
Dali nga gidala sa tambalanan pagka-gabii apan gi-deklarar kini nga Dead on arrival.
Samtang padayon pa nga gisuta sa kapulisan ug kung aduna bay foul play sa kamatayon sa 4-anyos. (LQ)
