CEBU CITY — Patay diha dayon ang usa ka 4-anyos na bata human makuryentehan sa Sitio Fatima Muwag, Brgy. Guadalupe dakbayan sa Carcar, probinsya sa Sugbo.
Matud ni PCpl. Noel Espinosa sa Carcar Police Station nga nadiskubrehan sa usa ka 13-anyos nga bata kagahapon ang lawas sa bata diin naghigda kini sa lapokon nga libunan ug walay nay kinabuhi.
Daling miresponde ang mga sakop sa kapulisan kauban ang ubang tinugyanan sa syudad aron pagluwas sa maong bata.
Base sa ilang imbestigasyon, naputol ang main electrical wire hinungdan nga nasangyad kini sa yuta apan milaag sa kalibunan ang bata ang 4-anyos nga bata wala na mabantayan niini nga natamakan ang maong live wire hinungdan sa iyang dali nga pagkahagba.
Gidala sa tambalanan ang maong bata apan gideklarar kini sa mga doktor nga dead on arrival.
Dugang pa ni Espinosa nga wala gyud mabantayan sa mga ginikanan ang ilang anak diin ang inahan niini nagkuha sa module ug ang amahan nagtrabaho.
Pahimangno ni Espinosa ngadto sa katawhan nga dili gyud una mogawas sa panimalay kung bati ang lakat sa panahon, ingon man nga bantayan ang mga bata ning mga panahuna. (report by Bombo Joann Gantalao/gn)
