CEBU – Upat ka mga chinese national ang napatay sa gihimong rescue operation sa hiniusa nga police operation nga gipangulohan sa Anti Kidnapping Group (AKG)-7, RID -7, RSOG-7, CIU sa dakbayan sa Lapu-lapu.
Ang maong operasyon gihimo sa usa ka panimalay nga giabangan sa mga suspek nga chinese nationals sa Aldea Sol Subdivision sa Barangay Bangkal sa dakbayan sa Lapu-lapu.
Saysay pa ni Lapu-lapu City Mayor Junard “Ahong” Chan,nga personal niining gibisita ang lugar ug maoy nibutyag nga usa ka 70 anyos nga negosyante nga chinese national usab ang gikidnap sa mga suspek.
Niresulta ang gihimong rescue operation sa kapulisan sa panagbayloay og bala tali na sa mga “Bigtime” Criminal nga mga suspek.
Samtang ang naluwas nga 70 anyos kinsang giila nga si Lyu Xingou, usa ka Chinese national nga lumad nga taga Fujian,nga gidala usab sa balay tambalanan human kini maluya nunot sa pagkidnap niini.
Kasamtangang,gisuta pa kung ugaling may kalambigitan ba kini sa unang nahitabo nga pagpangindnap usab sa maong lugar.
