Gisilotan ang upat ka mga kadete sa Philippine Military Academy (PMA) nga giingong nalambigit sa hazing incident nga naglambigit sa kaubang kadete niadtong Setyembre sa miaging tuig.
Matud pa sa tigpamaba sa AFP nga si Col. Francel Margareth Padilla, nga sa miaging tuig kay gipahamtan usab og saktong silot ang upat ka mga kadete, diin duha ka kadete nga higala sa biktima.
Ingon man nga gikonsiderang direktang mga sad-an ang gisuspenso, samtang ang usa giabsuwelto ug ang usa gisilotan ubos sa command responsibility basi sa imbestigasyon nga gihimo sa insidente subay sa kasamtangang military justice system.
Kasamtangang anaa sa indefinite leave ang biktima samtang nagpaabot sa discharge order, basi sa eksaminasyon sa AFP Medical Board.
Bisan og wala pa makadawat og kopya sa police report o pormal nga reklamo ang PMA, ilang girespeto ang desisyon sa pamilya sa biktima sa pagpasaka og kasong kriminal batok sa upat ka mga kadete nga nalambigit sa insidente.
