NEGROS ORIENTAL-Padayon ang imbestigasyon karon sa nahitabong pag-ambush sa gitoohang New Peoples Army (NPA) sa mga intel personnel sa Regional Mobile Force Batallion (RMFB) kagahapon sa may Sitio Ilaya Yamot, Brgy. Makabato lungsod sa Ayungon Negros Oriental.
Patay diha-diha dayon ang 4 ka mga sakop sa RMFB nga nagpahigayon og monitoring sa naasoy nga area niadtong higayona.
Naila kini nga sila si Police Corporal Relebert Beronio, Police Patrolman Raffy Caliao, Police Patrolman Roel Cabillion ug Police Patrolman Marquino De Leon.
Matud ni Police Staff Sergeant Junjie Lastimoso, ang investigator sa maong kaso nga wala nakabantay ang mga sakop sa RMFB sa kalit nga pag-ambush sa mga gitoohang NPA gani gipang-ulo pa kini sa pagtira.
Dali usab nga naka-ikyas ang mga naasoy nga NPA tungod kay wala man usab nakaresponde nga mga sakop sa kapulisan tungod kay dead spot o walay signal ang maong lugar.
Gani matud pa ni Lastimoso nga gikuha ug gisakay nalang sa ambulansya sa mga brgy. official sa Ayungon ang mga patayng lawas sa mga pulis tungod kay dugay man kini nga narespondehan.
Basi sa kasayasayan sa Ayungon sigon sa imbestigador, kini ang unang higayon nga gi-ambsuh ang sakop sa RMFB apan gi-angkon niini nga ang naasoy nga lugar ang dunay mga NPA sightings.
