CEBU CITY-Nakabsan og kinabuhi ang usa ka 40-anyos nga lalaki human nga gibunalan kini og dos por dos nga kahoy sa iyahang manghud sa Sitio Luyo, Barangay Adlaon, Cebu City Martes sa gabii, Agostos 22.
Giila ang namatay nga si Ramil Dakay Leyson, lumulupyo sa Sitio Sayaw Barangay Taptap nga nakaangkon og dakong kadaot sa ulo pinaagi sa hapak sa kahoy sa suspetsado nga iyahang manghud nga si Roderick Dakay Leyson, 33-anyos usa ka mag-uuma.
Base sa imbestigasyon sa Police Community Precint sa Adlawon, hubog ang biktima sa dihang gihapak kini sa iyahang igsuon.
Matod pa nga nikuha kini og botelya diin gibuak ug nisuway og dunggab ngadto sa suspek apan nakalikay kini.
Hinungdan nga ang suspek nipunit og dos por dos nga kapoy ug gibunal kini sa ulo sa biktima.
Gikataho nga snresulta ang maong hapak sa pagkabuak sa bagol-bagol sa biktima.
Mahitungod sa nahitabo, nisibat ang suspetsado ug padayun karun ang manhunt operation sa Adlaon Police Community Precinct.
