CEBU CITY- Mokabat sa kapin 40 ka mga bus ang planong i-augment sa kagamhanan sa dakbayan sa Sugbo, aron maoy mohakut sa mga deboto, subay sa temporaryong pagpasirado sa Cebu South Bus Terminal sa umaabot Enero 18, sa adlaw mismo sa Sinulog.
Kini gumikan kay mitugot na si Gov. Pamela Baricauatro sa pagpasira sa nahisgutang terminal aron temporaryong himoun nga parking area sa VIPs og mga opisyal nga posibleng mo tambong sa kasaulogan sa Fiesta Senyor.
Nagtagbo usab ang mga sakop sa traffic office og mga operators sa mga bus aron sulbaron ang posibleng kakulian sa mga pasahero sa mismong adlaw.
Matud ni Cebu City Councilor Dave Tumulak nga manukad ang mga bus gikan sa South Road Property og ihatud ang mga pasahero ngadto sa Plaza Independencia, alang sa mga naggikan sa South.
Samtang ang mga deboto nga naggikan sa North ihatud usab sa SRP.
Sa pikas bahin usab, plano usab nga magbutang an kagamhanan og 10 ka mga water refilling station alang sa mga deboto ug giawhag ang publiko nga og mahimo dili magpataka og labay sa basura.
Dugang usab niini nga magpakatap usab og Police outpost ang kagamhanan alang sa panahon sa emerhensiya og naka-standby usab ang sakop sa kapulisan matag 10 metros.
