Nameligro nga mag-atubang og suspensiyon ang 40 ka mga planta sa kuryente sa Visayas tungod sa kawalay aksyon taliwala sa padayon nga kakulangon sa kuryente sa rehiyon, sumala ni Energy Secretary Sharon Garin.
Mahinumduman, ang DOE kaniadto nag-isyu og 203 ka show-cause orders sa mga kompanya sa power generation sa tibuok nasud niadtong Hulyo tungod sa ilang kapakyasan sa pagsumite sa mandatory self-assessment reports nga nagtumong sa pagmonitor sa abilidad sa mga planta sa pag-operate sa husto ingon man sa mga pagkawala sa kuryente.
Sumala sa kalihim, ang departamento nag-isyu na og mga pasidaan sa mga kompanya sa power generation ug anaa sa proseso sa pagrekomendar sa mga suspensyon nga ipadala sa Energy Regulatory Commission (ERC).
Wala nganli sa kalihim ang mga operator nga nag-atubang sa suspensyon, apan ang lista gikataho nga naglakip sa gagmay nga mga planta sa diesel.
Ang rehiyon sa Visayas dugay nang nakasinati og mga problema sa suplay sa kuryente, diin kini gipataas sa yellow alert halos kada adlaw ug sa pipila ka mga kaso ngadto sa red alert kung ang suplay dili na igo aron matubag ang gikinahanglan nga suplay sa kuryente.
