ISRAEL-LEBANON, WAR- Gikompirmar sa health ministry sa Lebanon ang pagkamatay sa 40 ka tawo human sa pag-atake sa Israel ngadto sa Lebanon sa silangang lungsod sa Baalbek Walog.
Nagbinayloay ang Israel ug ang Hezbollah sa pag-pangataki usa ka tuig nga susama sa giyera sa Gaza.
Apan, ang panagsangka miuswag sukad sa ulahing bahin sa Septyembre, uban sa mga tropang Israeli nga nagpakusog sa pagpamomba sa habagatan ug silangan sa Lebanon ug naghimo sa mga pagsulong.
Tungod niini, gipahimangnuan sa militar sa Israel ang mga residente sa southern suburb sa pagbakwit sa daghang mga lokasyon tungod sa duha ka pagpamomba.
Samtang gipaningkamutan usab pinaagi sa diplomatokong lakang sa US ang pagpahunong sa away tali sa Israel ug Hezbollah, nga naglakip sa 60 ka adlaw nga sugyot sa ceasefire.
Apan, napakyas kini sa miaging semana sa wala pa ang eleksyon sa US niadtong Martes diin nakuha ni kanhi Presidente Donald Trump ang White House.
