CEBU CITY-Mikabat sa kapin 4,000 ka mga police officers sa Police Regional Office (PRO) 7 ang ipang-deploy sa nagkadaiyang Katoliko nga simbahan alang sa mga nagkadaiyang religious activities sa Holy Week.
Gibutyag ni PRO 7 spokesperson Lieutenant Colonel Gerard Ace Pelare, nga gilauman nila ang pagdagsa sa mga tawo sa nagkadaiyang bus terminal ug pantalan nga mo uli sa ilahang tagsa-tagsa ka mga probinsiya, subay sa long vacation gikan sa Abril 6 hangtud sa Abril 10.
Susama sa nakalabay nga pag-obserbar sa semana santa, bantayan sa kapulisan ang mga mangungu-ot, ug uban pang mga kawatan nga target ang mga pasahero.
Gawas sa mga aktibidad sa semana santa, giawhag usab ang kapulisan nga magbinantayon sa mga posibling pagpangataki sa mga terorista sa mga simbahan ug uban pang lugar nga sagad magpundok ang katawhan.
Samtang, gipahibalo usab ni Pelare nga karung adlaw nga Sabado, Abril 1, magpatuman ang PRO 7 ug skeletal deployment sa tibuok rehiyon ug posibli nga ipasaka ang alert level gikan sa normal ngadto na sa heightened level.
