Gipusil patay ang usa ka 42-anyos nga lalaki sa iyang kauban sa pagpanuyop og ilegal nga drugas sa Sitio Lupa 1, Brgy Pajac, Lapu-Lapu City, niadtong Hulyo 1.
Nailhan ang biktima nga si Labrada 42-anyos ug lumulpyo sa Sitio Abuno, Brgy Pajac, Lapu-Lapu, samtang ang gi-ingung suspitsado giila sa pangalan nga Aloy, kung diin giingung kauban niini sa pagpanuyop og iliegal nga drugas.
Nasayran nga gi-ingung kauban sa biktima atol sa pagpanuyop ang suspitsado ug laing indibidwal nga giilang sila si Junriel Yburan, ang tag-iya sa balay ug si Joey Paras.
Gikataho nga nagkalalis ang duha kung kinsa ang muona kanila sa paggamit sa ilegal nga drugas, apan gi-ingung nigawas ang suspitsado ug mibalik nga aduna nay gibit-bit nga armas hinungdan nga maoy gigamit niini sa pagpamusil patay.
Matud pa sa tigpamaba sa Lapu-lapu City Police Office nga si PLtcol. Christian Torres, nga atol sa pagrespondi sa mga sakop sa kapulisan, gi-ingung nabungkag na ang ebidensya gumikan kay gipagawas sa tag-iya sa balay ang patayng lawas.
Ingon man nga gilimpyuhan ang mga dugo sulod sa panimalay kong asa nahitabo ang pagpamusil, hinungdan nga gisikop si Yburan ug Paras tungod sa kalapasan sa “Obstruction of Justice” sa pagpanghilabot sa crime scene. | Bombo Nathaniel Sandoval
