42 patay, human nahulog sa pangpang ang bus sa South Africa

Namatay ang 42 ka mga indibidwal human ang bus nga ilang gisakyan nahulog sa bung-aw sa South Africa.

Ang tanang biktima pulos mga Zimbabwean ug Malawian national sa insidente nga nahitabo sa bukirang lalawigan sa Limpopo sa South Africa.

Sa inisyal nga imbestigasyon sa mga awtoridad, nagsugyot nga ang drayber nawad-an og kontrol ug ang bus, nga gikan sa Gqeberha City sa Eastern Cape, nahulog sa lawom nga bung-aw.

Samtang ang Presidente sa South Africa nga si Cyril Ramaphosa nagpahayag sa iyang pahasubo sa mga biktima, lakip ang pito ka mga bata.