429 ka indibidwal sa dakbayan sa Lapu-Lapu nakadawat og cash aid gikan sa DSWD

CEBU – Mitunol og kapin sa P6 milyones nga balor sa financial assistance ang Department of Social Welfare and Development (DSWD) ngadto sa mga benepisyaryo sa Sustainable Livelihood Program niini sa dakbayan sa Lapu-Lapu.

Kung diin si DSWD Assistant Secretary Maria Evelyn Macapobre, ug DSWD Central Visayas Director Shalaine Marie Lucero nangulo sa pagpanghatag sa Hoops Dome Arena sa Barangay Gun-ob niadtong Martes, Nobyembre 29, 2022.

Mokabat sa 429 ka benepisyaryo ang gilauman nga makadawat sa hinabang pinansyal.

Sa report gikan sa Public Information Office, ang mga benepisyaryo gikan sa 18 ka sektor lakip na ang mga person with special needs, women’s group, fisherfolk associations ug 4Ps members, ug uban pa.