45 ka tawo ang Patay sa airstrike sa Israel sa siyudad sa Rafah

Labing menos 45 ka mga tawo ang namatay human sa usa ka air strike sa Israel sa Rafah City sa Gaza.

Lakip sa nangamatay mao ang mga babaye ug mga bata samtang anaa kini sa refugee camp.

Ingon man nga lakip sa napatay sa Israel Defense Force (IDF) ang duha ka mga senior Hamas terrorist.

Gisusi usab sa Israel ang mga taho nga adunay mga sibilyan nga kaswalti sa nasangpit nga airstrike.

Sukad sa pagpakusog sa mga operasyon militar sa Israel, anaa na sa 800,000 ka mga tawo ang nabakwit paingon sa Rafah.

Kahinumdoman nga ang Prime Minister sa Israel nga si Benjamin Netanyahu miinsister nga magpadayon sila sa pag-atake sa Rafah bisan pa nga daghang mga nasud ang nagpugong kanila.