MANDAUE CITY-Gipaubos sa surprise drugtest ang 6 ka police station sa Mandaue City Police Office (MCPO) ug mga personnel sa Drug Enforcement Unit (DEU) karong adlawa.
Kini ang gibutyag ni PMaj Mercy Villaro, ang tigpamaba sa MCPO sa dihang nahinabi sa Bombo Radyo Cebu.
Matud ni ni Villaro nga kini ang kabahin sa ilang internal cleansing subay sa war on drugs. Gani, nasorpresa gyud matud pa ang mga sakop sa kapulisan sa drugtest sanglit ang ang ilag nahibaw-an kay gipatawag sila alang sa drug clearing orientation apan usa ka drug test diay ang nahitabo.
Mikabat sa 46 ka mga personnel ang napaubos sa drugtest. Nasayran nga kini ang labig unang drug test sa MCPO karong tuiga.Gisaysay usab ni Villaro nga niadtong nakalabay nga tuig nagnegatibo sa iligal nga drogas ang tanang sakop sa kapulisan sa MCPO.
Kung mahinumduman niadtong tuig 2017 dunay 3 ka pulis ang nagpositibo ug karon wala na sa serbisyo. Mao usab kini ang gipahimangno ni Villaro sa mga kapulisan nga kung ugaling magpositibo kini sa iligal nga drogas , mag-atubang gyud kini og kaso ug ma-dismiss sa katungdanan.
Karon palang daan matud pa mahimo kining pahimangno sa ubang pulis nga muundang na sa ilang bisyo. | Reports from Bombo Crislie Adlawan
