Human mapakyas sa 33 ka higayon sa Licensure Examination for Teachers, hingpit na gayud nakita ang iyang pangalan sa lista sa March 2024 LET.
Giila ang maong magtutudlo nga si Jorge Alejo, 47-anyos nga lalaki nga taga Isabela nga nahuman sa Bachelor of Science in Elementary Education.
Tuig 1999, ang unang pagsuway sa pagkuha sa eksaminasyon, apan, sunodsunod ang iyang pagkapakyas.
Ug ingon man nga wala kini nawad-an og paglaom tungod kay sa paglabay sa 25 ka tuig kay natuman gayud ang iyang pangandoy.
Matod niya nga tungod kay napakyas siya sa pagpasar sa Elementary Education board exam sa makadaghang higayon, nakahukom kini nga mokuha og Secondary Education units niadtong 2005.
Bisag kanunay siyang matumba, wala siya matarog sa mga pagsuway nga iyang nasinati ug kanunay niyang gisultihan ang iyang kaugalingon nga samtang adunay kinabuhi, adunay paglaom.
Pagka Marso 2024, gidasig siya sa iyang mga kauban nga magtutudlo nga mo-take og exam ug ang nagparehistro pa niini ang iyang igsoon.
Gani, atol sa adlaw nga migawas ang resulta, wala kini mitan-aw ug wala na kini nagsaba-saba sa kahadlok nga masakitan lang doble pa gumikan kon gani wala ang iyang pangalan sa lista, mamahimo siyang matangtang sa propesyon sa pagtudlo.
Apan, natingala kini sa dihang gi-congratulate siya sa iyang mga kaubang magtutudlo.
Sa pagkakaron nagtrabaho si Alejo isip usa sa non-teaching personnel nga Reina Mercedes National High School- Senior High School Department ug tumong niya nga mahimong regular sa Department of Education.
