CEBU– Mokabat sa P5.4 milyon ang kinatibuk-ang kantidad nga nasakmit sa shabu atol sa gipahigayon nga drug operation sa kapulisan sa Talisay City Police Station.
Una niini nipahigayon og buy bust operation ang kapolisan sa may Brgy. Bulacao sa naasoy nga syudad kagahapon diin nakuha niini ang kapin sa 3 gramos sa ginadili’ng drogas.
Giila usab ang naasoy nga dapit nga naghitak ang mga iligal nga drogas.
Samtang, lain usab nga follow-up operation sa Brgy. Tabunok sa syudad sa Talisay kagabii diin nakuha ang dul-an sa 460 gramos sa gituoha’ng shabu.
Matod pa ni PSupt. Marlu Conag, hepe sa Talisay Police Station nga unom ka anti-drug operation ang ilang gipahigayon sa naasoy nga dakbayan.
Nasikop ang siyam ka mga persolidad nga gituohang konektado sa pagkalambigit sa mao’ng iligal nga aktibidad nga sila si Vigie Ababon, Jeniel Jumao-as, Robert Ababon, Antonio Ababon, Jovelyn Naparate, Analiza Ligan, Jonathan Rey ug Audrey Caballero, pulos residente sa syudad sa Talisay.
Managlahi ang grupo sa mga nasikop nga suspek apan usa lamang ang supplier niini sa shabu dugang pa ni Conag.
Nagtingkagol na sa Talisay Police Station ang mga suspek ug gikatakdang pasakaan og kaso’ng kalapasan sa RA 9165 kon pagkupot sa iligal nga drogas.
