Giila nga pinakabatang race car driver ang usa ka 5-anyos nga bata sa China, diin nihimo kini og kasaysayan sa tibook kalibutan.
Nakuha ni Shao Ziyan ang iyang opisyal nga lisensiya ug training certificate gikan sa RUNRACING Driving Academy, nga giila sa China Automobile and Motorcycle Federation, niadtong April 9, 2023.
Sa batang edad nga 1-anyos, nahigmata na siya sa paggamit sa racing simulators ug sa wala pa mag-tres-anyos, nagmaneho na siya og race karts.
Pag-abot niya og 4-anyos, nagsugod na kini sa pagsalmot sa mga propesyonal nga rally events diin nasakmit niini ang Hope Star Award sa 2023 China Rally Sprint Championship.
Nahimong sikat usab si Ziyan sa mga sikat nga racing simulators sama sa DiRT Rally 2.0 ug WRC 10 diin nakasulod siya sa top 30 sa pinakamaayong virtual drivers sa tibook kalibutan.
Aron suportahan ang talagsaong talento sa bata, namuhunan ang iyang amahan sa gibana-banang 800-mil yuan o anaa sa 6.4 milyones pesos aron mopalit og mag-ayo sa mga modified racecars ug advanced driving simulators.
