CEBU – Gidayeg ang usa ka 5-anyos nga batang lalaki sa Ilocos Norte gumikan sa iyang hait nga panghunahuna, diin namemorya niini ang periodic table of elements ug tibuok speech ni Abraham Lincoln.
Sa usa ka taho, makita sa video ni Lorlyn Lazaro nga mahimong hinganlan ni Liam Llanes ang mga elemento gikan sa mga simbolo sa periodic table.
Namemorya usab ni Liam ang lainlaing mga planeta.
Matud pa ni Lorlyn, daghan nang mga butang ang gipakita ni Liam sa edad nga tres maong sayo kining gitudloan.
Gisag-ulo pa ni Liam ang speech sa Gettysburg Address ni kanhi US President Abraham Lincoln.
Gipakita usab ni Liam ang iyang kahanas sa pagsulti sa usa ka programa.
Hilig usab si Liam og musika ug sports sama sa swimming ug nangandoy nga mahimong piloto ug doktor sa umaabot.
