Gi-surendir na sa kampo sa nagpaila nga Anak sa Diyos nga gipangita karon nga si Pastor Apollo Quiboloy ang pipila niini ka mga armas nga anaa ubos sa iyang pangalan.
Human kini gimandoan sa pagbakwi sa lisensya sa armas nilang Pastor Quiboloy ug Ingrid Chavez Canada nga gipahigayon sa mga personahe sa Police Regional Office 11 ug Area Police Command – Eastern Mindanao diin gi pinangulohan ni acting Commander PMGen. Benjamin Silo Jr., ug hepe sa Regional Civil Security Unit, PCol. Apollo Ruben Togonon..
Matod ni Philippine National Police Chief PGen. Rommel Francisco Marbil, lima ka armas sa pugante nga pastor ang gi-surrender sa iyang kampo ngadto sa Regional Mobile Security Unit 11 sa Police Regional Office 11.
Gikataho usab sa Police Regional Office 11 nga lakip sa mga armas nga gi-surrender sa kapulisan mao ang usa ka Colt Rifle, 2 ka Beret Pistol, ug 3 ka Metrillo Pistons.
Kung kahinumdoman, una nang gikataho nga si Quiboloy adunay kinatibuk-ang 19 ka mga armas apan sumala sa mga operatiba, ang iyang kampo niingon nga 14 na usab ka mga armas ang nahalin ug ilang gipakita ang mga dokumento isip pruweba niini.
