5 ka estudyante sa Pakistan, patay human mibuto ang usa ka school bus

Lima ka mga estudyante ang namatay human ang usa ka school bus kay nibuto sa Pakistan.

Ang bus gisakyan sa 40 ka mga estudyante sa dihang kini mibuto kini sa lungsod sa Khuzdar sa rehiyon sa Balochistan.

Ang mga nasamdan nga biktima gidala sa tambalanan nga kadaghanan kanila anaa sa kritikal nga kahimtang.

Wala pay grupo nga niangkon nga responsable sa insidente, apan dako ang pagtuo sa mga awtoridad nga gihimo kini sa mga militanteng grupo.

Gikondena ni Pakistan Interior Minister nga si Mohsin Naqvi ang insidente, nga gitawag kini nga “barbaric act”.