CEBU CITY-Ipasirado sa Department of Veterinary Medicine and Fisheries (DVMF) ang 5 ka mga ihawan dinhi sa dakbayan sa Sugbo gumikan kay wala makapasar sa standard.
Kini ang gibutyag ni Dr. Alice Utlang, ang head sa DVMF.
Matud niini nga dili lang usa niya hinganlan ang maong mga ihawan—ayha na kung mapirmahan na ni Cebu City Mayor Tomas Osmeña ang closure order.
Apan gipahibaw ni Utlang nga ang kining naasoy nga mga ihawan ang anaa sa Brgy. Mabolo, Mambaling,Banilad, Labangon ug sa Capitol.
Gitino usab ni Utlang nga ang mga ihawan ang angayang ipahimutang sa usa ka elevated area ,dili dool sa kabalayan ug labaw sa tanan 200 metros ang angayang gilay-on niini sa nga pabrika o pampublikong lugar.
Nasuta nga dunay 27 ka mga ihawan ang anaa sa Sugbo ug ang 7 niini ang gihatagan lamang og conditional permit samtang nag-organize pa sa ilang requirements.
