Labing menos lima ka mga lawas ang nakawt gikan sa mabaw nga mga lubnganan sa usa ka site sa Kenya, diin gidudahan kining gilubong ang mga biktima sa usa ka relihiyosong kulto, giingon sa usa ka opisyal gahapong adlawa, Huwebes.
Sa karon, nagpadayon gihapon ang pagpangobkob sa maong site sa Malindi, southeastern Kenya Kilifi County, diin mao kini ang dapit nga adunayd gatosan ka mga miyembro sa doomsday cult ang nakaplagang patay 2 katuig ang nilabay.
Matod pa ni Josephat Biwott ang Kilifi County Commissioner, nakaplagan nila ang 5 ka mga patayng lawas sulod sa upat ka managlahing lubnganan, samtang aduna na silay 27 ka mga nakobkob nga managlahing lokasyon usab.
Kahinomdoman nga kaniadtong buwan sa Hulyo, ang Office of the Director of Public Prosecutions sa Kenya nag-ingun nga gituohan nga ang maong mga biktima gilubong sa maong luna nag nag-antos sa kagutom ug na suffocate nga niresulta ug ni sangpot sa pagdangop ug pagpasiugda sa grabe nga mga ideolohiya sa relihiyon.
Samtang ang mga prosecutors nag ingun nga aduna na silay labing menos 11 ka mga suspek nga giimbestigahan kalabotan sa mga kamatayon sa 5 kabiktima nga nakaykayan.
