CEBU CITY-Girelibohan ang lima ka mga pulis nga nadestino sa Mambaling Police Station human gipasanginlan nga sa pagpangidnap ug pagpanglugos.
Niadtong Mayo 9 ang National Bureau of Investigation in Central Visayas (NBI-7) nipasaka og mga reklamong kidnapping o serious illegal detention, rape ug illegal nga paggamit og drugas batok sa lima ka aktibong pulis sa Mambaling Police Station ug usa ka sibilyan.
Gisang-at ang mga kaso, nga sa Office of the Ombudsman sa Visayas, gumikan sa reklamo sa usa ka 18-anyos nga babaye nga nag-akusar kanila sa pagdagit kaniya ug giingong pagpugos kaniya sa paggamit sa ilegal nga drugas sa niadtong Septiyembre 2022.
Giila ang mga suspensado nga mao sila si Police Corporal Johnrober Rebusa, Jeffrey Alabata, Keven Gilbuena, ug Police Staff Sergeants Donald Balansag ug Joy Marie Alad-ad.
Gikiha usab sa NBI-7 ang usa ka sibilyan nga ginganlag ‘Luis’, kinsa gipasanginlan sa reklamante nga nanglugos kaniya.
Human sa pahibalo sa NBI-7, gikompirmar sa Police Regional Office in the region (PRO-7) nga adunay mga aksyon nga gihimo batok sa mga akusado nga pulis.
Gibutyag ni Police Lt. Col. Gerald Ace Pelare, tigpamaba sa PRO-7 nga mihimo sila og kaugalingong imbestigasyon aron matino kon ang mga narelieve nga mga opisyal mahimo bang mag-atubang usab og administrative liabilities.
