CEBU – Boluntaryong nitahan sa ilahang kaugaligon ngadto sa otoridad ang upat ka pulis kinsang gituohan nga adunay kalambigitan sa pagpatay sa magtiayong Baringui-an sa Barangay Panadtaran, lungsod sa San Fernando niining habagatang Sugbo.
Giila ni Police Colonel Josefino Ligan, ang Regional Investigation and Detective Management Division (RIDMD7), ang upat ka mga suspek nga sila si Police Staff Sergeant Rene Catamora, PSSg Junrey Papaya Ypil, kinsa nisurender sa Provincial Intelligence Unit (CCPO) , PSSg Junrey Batobalunos,ni surrender usab sa Lapu-Lapu City Police Office (LCPO). ug ex-PSSg Esmeraldo Obleanda Quillosa, mi surrender usab sa San Fernando Police Station aron mahatagan ug katin-awan ang maong panghitabo.
Samtang ang ikalima giila nga si Police Master Sergeant Alvin Enad, sa Ronda Police Station, kinsa gilambigit ni Catamora sa iyang extra judicial confession.
Sa pikas bahin, giingong konsensya ang gatukmod kang PSSg Catamora kinsang miangkon sa iyang kalambigitan sa krimen nga nahimo uban sa maong pagsurender ang get-away vehicle nga blue nissan navarra.
Mag-atubang ang maong mga pulis og kasong roberry ug double homicide gikonsider karon nga case na closed na ang maong kaso apan padayon gihapon ang imbestigasyon aron masuta kung duna bay nagpaluyo sa maong krimen, kung unsa ang motibo niini o aduna ba kini kalambigitan sa election, ug kung managkaila ba ang maong mga suspek gumikan naggikan kini sa nagkadaiyang istasyon.
