Nakapatay og lima ka mga tawo ang gilusad nga air strike sa Israel ug lakip niini ang commander sa Palestinian armed group nga Hamas sa West Bank.
Sumala sa ahensya sa Palestinian, dili pa klaro ang ilhanan sa 4 pa nga mga indibidwal nga namatay sa pag-atake.
Ingon man sa habig sa Israeli Defense Forces, naglunsad sila og air strike batok sa usa ka militanteng selda sa West Bank nga siyudad sa Tulkarm.
Ug gitaho usab sa Hamas media nga naigo ang usa ka sakyanan nga nagdala sa mga fighters ug usa sa mga kumander sa mga Tulkarm brigades ang napatay.
Una sa tanan, bisan sa wala pa ang gubat tali sa Israel ug Hamas miulbo sa Gaza niadtong Oktubre 7, ang kapintasan nahitabo na sa West Bank diin ang mga pwersa sa Israel kanunay nga misulong sa maong teritoryo.
Misamot ang tensyon sa tunga-tungang sidlakan karong semanaha human sa pagpatay sa lider sa Hamas nga si Ismail Haniyeh sa Tehran, Iran niadtong Miyerkules, usa ka adlaw human ang Israel naglunsad og strike sa Beirut nga nakapatay sa usa ka taas nga opisyal sa militar sa Hamas nga Hezbollah senior military commander Fuad Shukr.
